Saesneg / English

Saesneg / English

  • enquiries@penycymoeddcic.cymru
  • Ffon: 01685 878785
Gwneud cais am Gyllid$Gwybodaeth am y Gronfa$

Gwneud cais am Gyllid

Gwybodaeth am y Gronfa

Ysgol Goedwig Caru’r Coed: Natur, Llesiant a Dysgu drwy’r Gymraeg

Mai 27, 2026

Gyda chefnogaeth grant o £6,300 gan Gronfa Ficro Pen y Cymoedd, mae Ysgol Goedwig Caru’r Coed wedi darparu sesiynau Ysgol Goedwig dwyieithog i blant ledled y Rhondda, gan helpu pobl ifanc i feithrin hyder, creadigrwydd a chysylltiad â natur.

Defnyddiwyd y cyllid i ddarparu sesiynau dysgu awyr agored hygyrch i ysgolion, meithrinfeydd a grwpiau cymunedol, gyda gweithgareddau yn cynnwys coginio ar dân gwersyll, crefftau natur, defnyddio offer a chwarae dan arweiniad y plant.

Hyd yn hyn, mae mwy na 120 o blant a phobl ifanc wedi cymryd rhan. Mae’r adborth gan ysgolion a meithrinfeydd wedi bod yn hynod gadarnhaol, gydag un ysgol yn disgrifio’r sesiynau fel “profiad gwych” i’r plant a’r staff fel ei gilydd.

Mae’r prosiect hefyd wedi cael effaith gadarnhaol ar dwf Caru’r Coed fel busnes newydd. Mae argymhellion cryf ar lafar wedi arwain at gyfleoedd newydd ledled yr ardal fuddiant a thu hwnt, gan helpu i adeiladu sylfaen cleientiaid fwy cynaliadwy ac amrywiol ar gyfer y dyfodol.

Mae’r prosiect hefyd wedi annog ysgolion i fuddsoddi ymhellach mewn dysgu awyr agored, gan greu cyfleoedd parhaol i blant fwynhau a gofalu am y byd naturiol drwy gyfrwng y Gymraeg.

Sefydlwyd y gronfa gan y cwmni ynni Vattenfall i fod o fudd i’r cymunedau sy’n lletya fferm wynt Pen y Cymoedd ar draws rhannau uchaf Cymoedd Nedd, Afan, Rhondda a Chynon. Mae’n bodoli gyda’r nod o gefnogi pobl, grwpiau a sefydliadau lleol i fuddsoddi ynddynt eu hunain, yn eu syniadau ac yn eu cymunedau.
 
Mae gan y Gronfa Gymunedol gyllideb flynyddol sylweddol sy’n fynegrifol, ac felly’n cynyddu yn unol â chwyddiant. Er enghraifft, roedd hyn yn cyfateb i tua £2.5 miliwn yn 2025. Bydd y Gronfa’n parhau i gefnogi cymunedau hyd at 2043, gan greu cyfleoedd hir-dymor ar gyfer twf, gwydnwch a newid cadarnhaol.
 
Rheolir y Gronfa gan Gwmni Buddiant Cymdeithasol (CIC) nid-er-elw sy’n annibynnol ac wedi’i leoli’n lleol. Caiff ei goruchwylio gan Fwrdd o Gyfarwyddwyr a chanddynt gysylltiadau lleol cryf, a’i darparu gan dîm bychan o staff ymroddedig sydd â phrofiad eang o ymgysylltu â chymunedau. Rydym ni yma i helpu’r Gronfa i sicrhau ei bod yn gwireddu gweledigaeth a blaenoriaethau’r cymunedau lleol.
 
Dros y 10 mlynedd nesaf, mae’r Gronfa’n bwriadu ffocysu ar fuddsoddi mewn pobl, lleoliadau a busnesau – gan helpu’r Cymoedd i ffynnu, annog syniadau mentrus, cefnogi trawsnewid, a chreu effaith barhaus ar gyfer y genhedlaeth hon a chenedlaethau’r dyfodol.
Astudiaethau Achos