Saesneg / English

Saesneg / English

  • enquiries@penycymoeddcic.cymru
  • Ffon: 01685 878785
Gwneud cais am Gyllid$Gwybodaeth am y Gronfa$

Gwneud cais am Gyllid

Gwybodaeth am y Gronfa

WINDY DRAWS, WORKER’S GALLERY

GRANT GAN Y GRONFA GRANTIAU BYCHAIN – £635

Dyfarnwyd £635 i Worker’s Gallery tuag at brosiect ehangach a oedd wedi derbyn arian cyfatebol i redeg 3 gweithdy awyr agored dros 3 diwrnod ar ben Mynydd y Rhigos. Aliniodd y diwrnodau a’r Ŵyl Big Draw ryngwladol yn 2019.

Aeth y gweithdai â thros 30 o blant ysgol ac aelodau’r gymuned i’r safle ar gyfer sesiynau darlunio awyr agored. Crëwyd arddangosfa ar-lein o’r gwaith a chynhaliwyd arddangosfa go iawn o dros 100 o ddarluniau.

“Galluogodd y prosiect i mi ysbrydoli cyfranogwyr i fynd allan a darlunio yn y dirwedd leol. Rwyf wedi dechrau datblygu cynigion awyr agored gyda Gwasg Caxton yn Nhreorci ac mae busnesau twristiaeth yng Nghwm Afan wedi cysylltu â mi i redeg prosiectau tebyg yno. Gwnaethom hurio’r bws mini gan y grŵp sgowtiaid lleol, ac yn awr maent wedi archebu cyfres o weithdai gwneud siarcol.

Bu i’r cyfranogwyr ddwlu ar fod ar y safle ac yn awr maent yn dychwelyd yno gyda’u cyfeillion a’u grwpiau eu hunain. Roedd y prosiect hwn yn gyfle rhagorol i bobl ddod ynghyd a darlunio yn yr awyr agored, bu i’r oedolion a phlant gael antur ac ysbrydoli ei gilydd. Galluogodd yr arddangosfa i bobl rannu eu gwaith gyda’r gymuned a hefyd dathlu byw mewn ardal sydd ar flaen y gad o ran ynni glân ac adnewyddadwy. Ysgogodd y gwaith celf sgyrsiau am yr amgylchedd, beth rydym yn ei weld o’n cwmpas a sut rydym yn defnyddio adnoddau naturiol y byd.” – Gayle, Worker’s Gallery

Dyma brosiect rhwng y cenedlaethau go iawn, gan ennyn diddordeb pobl yn yr amgylchedd naturiol a darlunio a bu i’r arddangosfa oriel ennyn diddordeb pobl ym myd y celfyddydau, rhywbeth y mae llawer o bobl yn teimlo’n aml ei fod yn ddieithr iddynt. Ac yn bwysicaf oll bu i bobl gael hwyl a mwynhau bod gyda’i gilydd yn yr awyr agored.

Sut y bodlonodd y prosiect hwn flaenoriaethau’r gronfa:

Cymunedau sy’n fwy iach ac actif / Addysg am ynni / Ennyn diddordeb am a newid ymddygiad ynni a chynaladwyedd trwy addysg

Gellir prynu lluniau wedi’u Fframio a’u Gosod gan Worker’s Gallery trwy yrru e-bost i wood4tt@gmail.com

Sefydlwyd y gronfa gan y cwmni ynni Vattenfall i fod o fudd i’r cymunedau sy’n lletya fferm wynt Pen y Cymoedd ar draws rhannau uchaf Cymoedd Nedd, Afan, Rhondda a Chynon. Mae’n bodoli gyda’r nod o gefnogi pobl, grwpiau a sefydliadau lleol i fuddsoddi ynddynt eu hunain, yn eu syniadau ac yn eu cymunedau.
 
Mae gan y Gronfa Gymunedol gyllideb flynyddol sylweddol sy’n fynegrifol, ac felly’n cynyddu yn unol â chwyddiant. Er enghraifft, roedd hyn yn cyfateb i tua £2.5 miliwn yn 2025. Bydd y Gronfa’n parhau i gefnogi cymunedau hyd at 2043, gan greu cyfleoedd hir-dymor ar gyfer twf, gwydnwch a newid cadarnhaol.
 
Rheolir y Gronfa gan Gwmni Buddiant Cymdeithasol (CIC) nid-er-elw sy’n annibynnol ac wedi’i leoli’n lleol. Caiff ei goruchwylio gan Fwrdd o Gyfarwyddwyr a chanddynt gysylltiadau lleol cryf, a’i darparu gan dîm bychan o staff ymroddedig sydd â phrofiad eang o ymgysylltu â chymunedau. Rydym ni yma i helpu’r Gronfa i sicrhau ei bod yn gwireddu gweledigaeth a blaenoriaethau’r cymunedau lleol.
 
Dros y 10 mlynedd nesaf, mae’r Gronfa’n bwriadu ffocysu ar fuddsoddi mewn pobl, lleoliadau a busnesau – gan helpu’r Cymoedd i ffynnu, annog syniadau mentrus, cefnogi trawsnewid, a chreu effaith barhaus ar gyfer y genhedlaeth hon a chenedlaethau’r dyfodol.
Astudiaethau Achos