Mae yna nifer o ddulliau gwahanol y gallech eu defnyddio i dynnu sylw at y cyllid a dderbyniwyd gennych o Ben y Cymoedd; dyma beth a ddisgwyliwn pan fyddwch yn hysbysebu eich grant:

Arddangos baneri, posteri a sticeri

Rhaid i’r deunydd printiedig gael ei arddangos yn glir – h.y. ni ddylid ei orchuddio â phoster neu daflen arall. Rhaid ei arddangos am y cyfnod a nodir, fel arfer am 12 mis neu dros cyfnod eich prosiect – mae hyn yn hanfodol. Mae croeso i chi ei gadw’n hirach na’r cyfnod a drafodwyd, ond ni ddylech dynnu’r deunydd i lawr yn ystod y cyfnod hwn. Unwaith y bydd y cyfnod wedi dod i ben byddwn yn cysylltu â chi a threfnu i gasglu’r faner, y poster caled ac ati. Os caiff poster neu sticer ei ddifrodi tra bydd yn eich meddiant chi, dylech adael i ni wybod.

Defnyddio’n logo ni a logo Vattenfall

Os ydych yn defnyddio’r logos ar eich dyluniad chi, ni ddylech wneud y canlynol:

-Ystumio’r logos. Gallwch wneud y logos yn fwy neu’n llai, ond peidiwch â newid eu hedrychiad – gweler enghraifft yma.

-Newid lliwiau’r logos. Mae lliwiau’r logos yn rhan o frand Pen y Cymoedd a  brand Vattenfall, ac ni ddylid newid y lliwiau o gwbl.

-Newid cefnlen y ddelwedd – dylai’r gefnlen fod yn wyn er mwyn i’r logo ymddangos yn fwy gweladwy.

Mae gennym bosteri, baneri dros dro, ac arwyddion parhaol y byddwn efallai’n gofyn i chi eu harddangos, neu gallwch wneud cais am un yma.