Saesneg / English

Saesneg / English

  • enquiries@penycymoeddcic.cymru
  • Ffon: 01685 878785
Gwneud cais am Gyllid$Gwybodaeth am y Gronfa$

Gwneud cais am Gyllid

Gwybodaeth am y Gronfa

Cefnogi Garejys Lleol – Buddsoddi, Twf ac Effaith

Dros yr ychydig flynyddoedd diwethaf, mae Pen y Cymoedd wedi cefnogi sawl garej leol ar draws ardal y gronfa drwy grantiau’r Gronfa Micro a’r Gronfa Weledigaeth. Er bod pob busnes yn wahanol, daeth themâu clir i’r amlwg o’u teithiau gyda ni – gan dynnu sylw at werth cefnogaeth hyblyg, gyfeillgar a’r effaith uniongyrchol ar dwf a chyflogaeth.

Themâu ac Effaith Allweddol

  1. Buddsoddi mewn Technoleg: Nododd bron pob garej gadw i fyny â safonau diagnosteg a MOT fel her fawr. Helpodd ein cefnogaeth i ariannu darnau allweddol o offer fel rampiau, offer alinio olwynion, a meddalwedd diagnostig.
  2. Swyddi a Greuwyd: Ar draws y busnesau y buom yn siarad â nhw, cyfrannodd y £50,000 a ddyfarnwyd yn y grŵp hwn at o leiaf bedair swydd newydd (gan gynnwys prentisiaethau) — canlyniad sylweddol i ficrofusnesau.
  3. Twf Busnes: O ehangu gwasanaethau i storio stoc ar y safle, mae gan sawl garejys bellach y gallu i wasanaethu mwy o gwsmeriaid, yn fwy effeithlon – mewn un achos, mae’r perchennog yn rhagweld y gallai busnes ddyblu unwaith y bydd gwelliannau yn cael eu gweithredu.
  4. Cymorth Hygyrch: Roedd perchnogion busnes yn canmol Pen y Cymoedd yn gyson am fod yn hygyrch ac effeithlon — gyda rhai yn dweud ein bod yn haws delio â nhw na chyllidwyr eraill. Mewn o leiaf un achos, fe wnaethom annog cais mwy uchelgeisiol i gyd-fynd yn well â chynlluniau twf y busnes.

Mae’r sector gwasanaeth ceir o dan bwysau cyson i foderneiddio. Roedd uwchraddio offer, costau cynyddol, a’r anhawster o ddod o hyd i staff hyfforddedig yn bryderon cyffredin. Nid oedd y rhan fwyaf o fusnesau wedi derbyn cyllid arall, gan danlinellu pwysigrwydd rôl Pen y Cymoedd ond hefyd pwysigrwydd codi ymwybyddiaeth o gronfeydd eraill a cheisio trosoli mwy gan gyrff cyllido eraill.

Sefydlwyd y gronfa gan y cwmni ynni Vattenfall i fod o fudd i’r cymunedau sy’n lletya fferm wynt Pen y Cymoedd ar draws rhannau uchaf Cymoedd Nedd, Afan, Rhondda a Chynon. Mae’n bodoli gyda’r nod o gefnogi pobl, grwpiau a sefydliadau lleol i fuddsoddi ynddynt eu hunain, yn eu syniadau ac yn eu cymunedau.
 
Mae gan y Gronfa Gymunedol gyllideb flynyddol sylweddol sy’n fynegrifol, ac felly’n cynyddu yn unol â chwyddiant. Er enghraifft, roedd hyn yn cyfateb i tua £2.5 miliwn yn 2025. Bydd y Gronfa’n parhau i gefnogi cymunedau hyd at 2043, gan greu cyfleoedd hir-dymor ar gyfer twf, gwydnwch a newid cadarnhaol.
 
Rheolir y Gronfa gan Gwmni Buddiant Cymdeithasol (CIC) nid-er-elw sy’n annibynnol ac wedi’i leoli’n lleol. Caiff ei goruchwylio gan Fwrdd o Gyfarwyddwyr a chanddynt gysylltiadau lleol cryf, a’i darparu gan dîm bychan o staff ymroddedig sydd â phrofiad eang o ymgysylltu â chymunedau. Rydym ni yma i helpu’r Gronfa i sicrhau ei bod yn gwireddu gweledigaeth a blaenoriaethau’r cymunedau lleol.
 
Dros y 10 mlynedd nesaf, mae’r Gronfa’n bwriadu ffocysu ar fuddsoddi mewn pobl, lleoliadau a busnesau – gan helpu’r Cymoedd i ffynnu, annog syniadau mentrus, cefnogi trawsnewid, a chreu effaith barhaus ar gyfer y genhedlaeth hon a chenedlaethau’r dyfodol.
Astudiaethau Achos