Saesneg / English

Saesneg / English

  • enquiries@penycymoeddcic.cymru
  • Ffon: 01685 878785
Gwneud cais am Gyllid$Gwybodaeth am y Gronfa$

Gwneud cais am Gyllid

Gwybodaeth am y Gronfa

Aelod Newydd o’r Bwrdd wedi’i Benodi

Rydym yn falch iawn o groesawu Andrea fel Aelod newydd o’r Bwrdd.

Mae’r penodiad hwn yn cefnogi ein hymrwymiad i adnewyddu’r Bwrdd dros oes y Gronfa, gan ddod â sgiliau, profiad a safbwyntiau newydd i mewn.

Mae gan Andrea gysylltiad cryf â’r ardal leol, ar ôl byw yn Aberdâr am y rhan fwyaf o’i bywyd ac yn byw yn Hirwaun erbyn hyn. Mae ganddi dros 23 mlynedd o brofiad gyda Gyrfa Cymru ac ar hyn o bryd mae’n gweithio fel Rheolwr Datblygu Gweithredol, gan gydweithio â sefydliadau ar draws Cymru i gefnogi pobl ifanc gyda’u penderfyniadau gyrfa.

Mae ei gwaith wedi rhoi mewnwelediad gwerthfawr iddi i gymunedau lleol a’r heriau sy’n eu hwynebu, ac mae’n angerddol am fynd i’r afael â’r rhain drwy’r Gronfa. Mae Andrea wedi ymrwymo i helpu i gyflawni buddion parhaol, cryfhau gwydnwch lleol, a gwella cyfleoedd i drigolion ar draws ardal y Gronfa.

Rydym yn falch iawn o groesawu Andrea i’r Bwrdd.

Sefydlwyd y gronfa gan y cwmni ynni Vattenfall i fod o fudd i’r cymunedau sy’n lletya fferm wynt Pen y Cymoedd ar draws rhannau uchaf Cymoedd Nedd, Afan, Rhondda a Chynon. Mae’n bodoli gyda’r nod o gefnogi pobl, grwpiau a sefydliadau lleol i fuddsoddi ynddynt eu hunain, yn eu syniadau ac yn eu cymunedau.
 
Mae gan y Gronfa Gymunedol gyllideb flynyddol sylweddol sy’n fynegrifol, ac felly’n cynyddu yn unol â chwyddiant. Er enghraifft, roedd hyn yn cyfateb i tua £2.5 miliwn yn 2025. Bydd y Gronfa’n parhau i gefnogi cymunedau hyd at 2043, gan greu cyfleoedd hir-dymor ar gyfer twf, gwydnwch a newid cadarnhaol.
 
Rheolir y Gronfa gan Gwmni Buddiant Cymdeithasol (CIC) nid-er-elw sy’n annibynnol ac wedi’i leoli’n lleol. Caiff ei goruchwylio gan Fwrdd o Gyfarwyddwyr a chanddynt gysylltiadau lleol cryf, a’i darparu gan dîm bychan o staff ymroddedig sydd â phrofiad eang o ymgysylltu â chymunedau. Rydym ni yma i helpu’r Gronfa i sicrhau ei bod yn gwireddu gweledigaeth a blaenoriaethau’r cymunedau lleol.
 
Dros y 10 mlynedd nesaf, mae’r Gronfa’n bwriadu ffocysu ar fuddsoddi mewn pobl, lleoliadau a busnesau – gan helpu’r Cymoedd i ffynnu, annog syniadau mentrus, cefnogi trawsnewid, a chreu effaith barhaus ar gyfer y genhedlaeth hon a chenedlaethau’r dyfodol.
Yn ôl i newyddion